GESCHICHTE
 In dr MK und im ganze Joggeli (ussert im Gschteblöckli) isch nach em Spiil, am Daag nach em 3 jörige Jubileum vom Zämeschtoss mit so zwei Flugzügli und so zwei zhochi Türmli (Kurz und Knapp: d Party vom FCB: 12.11.04 / d Party in de USA: 11.11 01), e fetti Party agseit gsi nit wege em Jubileum sondern wege me Sieg gege GC, nit irgend e Sieg sondrern dr 8:1 Sieg. An dr Prässekonferenz het dr Trainer vo GC sehr viil Antworte gä müesse. Drgege dr Gross isch fascht ipennt. Aber mir sind ind Schtadt go fiire und denn sind mir zum Fuulänzer hei und händ dört no ganz in rueh gefiirt. Und denn ischs bassiert mir händ dr Fanclub gründet... Ich weiss nit wenn mir zum Fuulänzer gange sind aber es isch scho dunkel gsi. Mir händ im „Sport aktuell“ nomol all die acht draumhafte Gool agluegt. Dr Fuullänzer het Hunger ka und durum hän mir uns Pizze bschtellt. Es isch lang gange bis si cho sind und durum händ mir nomol übers Spiil gschnurrt. Denn händ dr Joggel und dr Fuullänzer die Idee ka: e Fanclub zgründe. Das händ die andere e guti Idee gfunde und me het diskutdiert. Ideen sind beschproche worde wie zum Bischpiil wäge ere grosse Fahne, wäge Schaals usw.. Aber was bringe eim das Züg ohni Name. Zerscht muss me dr Name ha für so Zügs. Also was für e Name? Das isch immer s schwirigschte. Mir händ irgend öbis mit Basilea oder Basilisk welle. Aber Basilisk gits scho! Basel isch einfach so langwiilig. Dr Joggel het e Idee ka: BASILISK BASILIENSIS (Baseiliensis = vo Basel) tönt guet isch aber voll gklaut also nänd mir nit. !!!DING-DONG!!! Dr „PIZZA-BLITZ“ stott vor dr Düre mit de Pizze. „E Guete“ sait dr Penalty „Mampf...glichfalls...Mampf...Mampf...Pfui...wäh do fält dr Basilikum“ sait dr Joggel und füegt no ah: „i has BASELIKUM“ (keine tscheggs) „mir nene uns BASELIKUM“ (alli tschegges) alli händ das e guete Name gfunde, sit denn, em 12.11.2005, gönd mir unter em Name BASELIKUM an d Mätsch.
Copyright © 2005 Baselikum | 
